Dioplóma Iarchéime

Leagan Amach an Chúrsa

Seo a leanas na modúil a bheas ar fáil mar chuid den Dioplóma Iarchéime, nó astu féin (i.e. ní gá go mbeifeá ag tabhairt faoin Dioplóma Iarchéime ina iomláine; d’fhéadfá modúl nó dhó ar suim leat iad a dhéanamh). Tá 10 ECTS le gach modúl, agus tá a riachtanais mheasúnaithe féin ag gach ceann.

• CEL263 Teicneolaíochtaí Foghlama‌ (Seimeastar 1)
  Léargas leathan ar theicneolaíochtaí atá sa mhodúl seo agus an leas atá iontu don teagasc agus don fhoghlaim san ardoideachas. Beidh blaiseadh le fáil ann de na peirspictíochtaí teoiriciúla agus criticiúla atá ann agus atá ag teacht chun cinn ach beidh go leor den bhéim ar an úsáid phraiticiúil agus ar an bhfoghlaim ó chás-staidéir agus ó shamplaí.
  
  I measc na dtopaicí a bheas idir lámha beidh: léiriú físeáin agus fuaime digití; ilmheáin idirghníomhacha don fhoghlaim ar líne; uirlisí aiseolais agus measúnaithe; acmhainní oideachais oscailte; anailísíocht foghlama agus an plé ar ‘fhaireachas’; scileanna digiteacha na mac léinn a fhorbairt; teicneolaíochtaí nua san ardoideachas (e.g. réaltacht fhíorúil/bhreisithe); teicneolaíochtaí don chruthaitheacht agus don turgnamhaíocht; eiticí, cumasú agus freagracht sa teicneolaíocht oideachais.
  
  Ceardlanna atá i gceist leis an modúl seo; agus beidh aoiléachtóirí, acmhainní ar líne, taispeántais, plé, taighde agus machnamh mar chuid de.  Beifear ag súil go gcuirfidh mic léinn an fhoghlaim i bhfeidhm ar an teagasc agus ar an bhfoghlaim ina réimse féin agus beidh siad gníomhach sa chur agus cúiteamh ar na topaicí seo.
  
  
• CEL264 Ag Tacú le Foghlaim na Mac Léinn (Seimeastar 2)
  

  Clúdaíonn an modúl seo réimse topaicí atá riachtanach go n-éireoidh le mac léinn go hacadúil. Is minic gur bac nó údar struis go leor díobh seo do mhic léinn agus scaití eile cuidíonn siad le mic léinn. Breathnaíonn na rannpháirtithe orthu le chéile mar ghrúpa agus tagann roinnt aoichainteoirí isteach, ó raon leathan seirbhísí tacaíochta na hollscoile, agus breathnaíonn siad ar ábhar scríofa agus ar dhíospóireachtaí reatha polasaithe.

  Tá scóip ann chun plé, aimsiú agus anailís a dhéanamh, in atmaisféar cairdiúil agus tacúil. Tá gach plé sa rang, agus sa limistéar plé ar líne, príobháideach, laistigh den ghrúpa agus d’fhoireann an chúrsa. Cuireann sé seo spás sábháilte ar fáil do phlé macánta agus oscailte, le comhbhá agus meas ar a chéile.

• CEL277 Staidéar Neamhspleách (ar feadh na bliana acadúla)
  Modúl staidéir neamhspleách, a thugann deis do rannpháirtithe tabhairt faoi fhiosrúchán ar scála beag dá rogha féin agus é a dhearadh. Is féidir éagsúlacht topaicí agus cur chuige a dhéanamh, agus cé nach mbíonn aon seisiúin teagaisc ann, beidh cruinniú eolais ar siúl go luath sa bhliain acadúil dóibh siúd ar spéis leo a dtionscadal féin a dhéanamh.
  
  Cuirtear eolas riachtanach ar fáil trí Canvas. Ritheann an modúl ar feadh na bliana acadúla, chun ligean do chomhghleacaithe a bheith páirteach ar bhonn rollach chun freastal ar shrianta ualaigh oibre.
  
  
• CEL6102 Teagasc ar Líne‌ (Seimeastar 2)
  Is minic gur dúshlán é cúrsaí ar líne a mhúineadh agus a dhearadh. Scrúdóidh an cúrsa seo teoiric agus dearadh praiticiúil an teagaisc chumaisc agus an teagaisc ar líne.
  
  Léiríonn na gníomhaíochtaí foghlama agus na measúnuithe dhá ghné ag teacht le chéile: turas pearsanta a léirítear i do thascanna aonair, agus comhiarracht a léirítear trí phlé gníomhach ar líne.
  
  Leis an gcomhiarracht caithfidh tú a bheith páirteach i seisiúin teagaisc ar líne agus in athbhreithniú piaraí agus i gcomhoibriú ar líne. Ar an gcaoi sin, gheobhaidh tú léargas díreach ar an taithí a bhaineann le bheith i d’fhoghlaimeoir ar líne.
  
  
• CEL6103 Forbairt Gairme Taighde agus Stiúradh Iarchéime a Fhorbairt (Seimeastar 1)
  

  Tá an modúl 10 ECTS seo oiriúnach do stiúrthóirí nua iarchéime agus stiúrthóirí a bhfuil níos mó taithí acu ar mian leo cur lena gcleachtas. Seimineáir ar líne atá i gceist agus ábhar féinstaidéir. Dhá chuid atá ann:

  1. Breathnaímid ar fhorbairt do ghairme beatha taighde féin, ag machnamh ar an áit a bhfuil tú faoi láthair agus ag déanamh plean gnímh do na chéad chéimeanna eile i do thaighde féin;
  2. Déanaimid iniúchadh ar na céimeanna éagsúla de stiúradh na céime taighde – ag tosú amach, foinsí tacaíochta na hinstitiúide, caidrimh stiúrthóireachta a fhorbairt, tacú le scríbhneoireacht na mac léinn agus próisis mheasúnaithe dochtúireachta.  

  Tá dhá thasc measúnaithe ar an modúl seo, ceann a bhaineann le gach cuid den churaclam.

Nua in 2024/2025

• CEL6108 Coláisteacht, Ceannaireacht & Bainistíocht san Oideachas
  Forbhreathnú agus iniúchadh ar roinnt príomhghnéithe a bhaineann le ceannaireacht agus bainistiú a dhéanamh ar theagasc agus ar fhoghlaim san ardoideachas.
  
  
• CEL6109 Inbhuanaitheacht sa Teagasc & san Fhoghlaim Ardoideachais
  Tá sé mar aidhm leis an modúl seo sainmhínithe agus prionsabail éagsúla choincheap na hinbhuanaitheachta a léirmhíniú agus cuirtear spás ar fáil do rannpháirtithe chun inbhuanaitheacht a leabú ina gcleachtas teagaisc agus foghlama féin. I measc na n-ábhar a scrúdófar tá cuir chuige oideolaíocha don inbhuanaitheacht; teicnící teagaisc chun inbhuanaitheacht a leabú sa churaclam; uirlisí digiteacha chun na SDGanna a leabú i modúil ollscoile; foghlaim conas spásanna níos sábháilte a chur ar fáil do mhic léinn chun eagla agus imní a chur in iúl faoin ngéarchéim aeráide. Spreagfar rannpháirtithe an mhodúil seo chun a gcuid foghlama a chur i bhfeidhm ina réimse ábhair féin.

Má bhíonn aon cheist agat, cuir scéala chuig celt@universityofgalway.ie

Cén fáth a roghnófá an cúrsa seo?

Cé dó a fheileann an cúrsa seo?

Táillí an Chúrsa

Ní íocann foireann Ollscoil na Gaillimhe táillí ar an gclár seo.

Caithfidh iarrthóirí seachtracha táillí a íoc de ghnáth.  Chun breis eolais a fháil déan teagmháil le celt@universityofgalway.ie

Tuilleadh Eolais

An tIonad Sárchaighdeáin Foghlama & Teagaisc  
AMB1012, Áras Dán na Mílaoise
Ollscoil na Gaillimhe
Teil. 091 492 2924
Ríomhphost celt@universityofgalway.ie

Iarratais & Roghnúchán

10 Meitheamh 2024 an dáta deiridh d’iarratais a bheith faighte.

Online applications for Academic Year 24/25 now closed. Please contact celt@universityofgalway.ie 

Déanfar áit a thairiscint d’iarratasóirí rathúla faoi dheireadh mhí an Mheithimh 2024.

Eolas faoi na Teagascóirí

Le dearbhú