MA (Cleachtas Acadúil)

Imlíne an Chúrsa

Tá an spriocdháta caite anois d’iarratais ar líne don bhliain acadúil seo. Bí i dteagmháil le celt@universityofgalway.ie 

Fáilte chuig an gcéim dheireanach de chláir mhúinte atá ar fáil in CELT – MA (Cleachtas Acadúil). Is éard atá anseo ná dhá mhodúl idirnasctha ar fiú 30 ECTS san iomlán iad.

Tá 10 ECTS in CEL284 agus ritheann sé thar sheimeastar 1 agus 2 araon. Roimh shos na Nollag, dírímid ar chur chuige i leith an taighde, agus i ndiaidh na Nollag féachaimid níos mó ar phróiseas an MA. Déanann go leor daoine an MA in aon bhliain acadúil amháin, ach go teicniúil tá 18 mí agat don phróiseas seo.  

Torthaí foghlama beartaithe:

Faoi dheireadh an mhodúil seo, beidh ar chumas na rannpháirtithe an méid seo a leanas a dhéanamh: 

• Príomhcheisteanna i bpolasaithe agus i gcleachtas ardoideachais a aithint fad a bhaineann siad leis an ábhar fiosrúcháin;
• Dearadh taighde a chur le chéile a oireann do dhul i ngleic leis na ceisteanna taighde aitheanta; agus
• Toisí eiticiúla an taighde atá beartaithe a aithint.

Toisc go bhfuil trasnaíl idir an modúl seo agus an miontráchtas is fiú breathnú ar na torthaí foghlama atá beartaithe do CEL285 (20 ECTS) anseo:

• Taighde a dhéanamh ar ghné den teagasc, den fhoghlaim nó gné eile de chleachtas acadúil comhaimseartha;
• Modheolaíochtaí taighde cuí a chur i bhfeidhm chun aghaidh a thabhairt ar cheisteanna taighde aitheanta;
• Measúnú a dhéanamh ar théagar an bhundearaidh taighde, lena n-áirítear na ceisteanna taighde, an mhodheolaíocht, an chreatlach eitice agus anailíse; agus
• Torthaí taighde a chur i láthair i bhfoirm miontráchtais.

Baineann an chéad phéire leis an togra a leagfaidh tú isteach mar mheasúnú in CEL284 – ach d’fhéadfadh sé tarlú go mbeidís leasaithe agus tú i mbun an mhiontráchtais.

Príomhghnéithe an chláir:

Sa dá mhodúl, úsáidtear na gnéithe measúnaithe seo a leanas:

Obair ar siúl:     

Caithfidh gach mac léinn MA dhá chur i láthair ar obair ar siúl a dhéanamh. Beidh an chéad cheann ar siúl luath sa phróiseas, cuirfidh tú do smaoineamh i láthair agus an réasúnaíocht; beidh an dara ceann níos deireanaí nuair a bheidh tú in ann an dearadh taighde a phlé go muiníneach idir bhailiú sonraí atá beartaithe agus aon cheisteanna eiticiúla a d’fhéadfadh a bheith i gceist. D’fhéadfadh an dara cur i láthair a bheith ar siúl nuair atá réamhthorthaí faighte agat nó i gcás an té a thugann faoin gcúrsa thar 18 mí, sa chéad Seimeastar an bhliain dár gcionn. Ní mhairfidh an cur i láthair níos faide ná 10-15 nóiméad, agus beidh ceisteanna agus plé ina dhiaidh sa ghrúpa.

Faomhadh eiticiúil:       

Más cuí. Tá socrú ag CELT le Scoil an Oideachais chun athbhreithniú eiticiúil a dhéanamh ar thionscadail taighde na ‘mac léinn’. Ní mór faomhadh a fháil, más gá, sula mbaileofar aon sonraí.

Togra taighde:   

Is é an togra an measúnú deiridh do CEL284 agus marcálfar Pas/Teip air.

Miontráchtas:             

Is é an tráchtas an measúnú deiridh don MA. Bíonn idir 12,000-15,000 focal ann.

Má tá suim agat an MA a dhéanamh, téigh i dteagmháil le celt@universityofgalway.ie