Teastas Iarchéime

Leagan Amach an Chúrsa

CEL260 Blaiseadh den Teagasc agus den Fhoghlaim san Ardoideachas (Seimeastar 1)

Is é seo an chéad mhodúl ar chlár an Teastais Iarchéime agus clúdaíonn sé raon ábhar lena n-áirítear teagasc ranganna móra, rannpháirtíocht na mac léinn, teicneolaíochtaí foghlama, rannpháirtíocht phoiblí agus teagasc taighde-bhunaithe. Tá an cúrsa bunaithe ar sheisiúin ranga agus is minic a bhíonn aoi-láithreoirí i láthair.  Is éard atá sa mheasúnú ná ‘dialann foghlama’ ar líne a choimeád agus achoimre machnamhach ar an bhfoghlaim lena n-áirítear gníomhartha praiticiúla a aithint chun an teagasc a fhorbairt.

TORTHAÍ FOGHLAMA

Faoi dheireadh an mhodúil seo, ba cheart go mbeadh ar chumas na rannpháirtithe an méid seo a leanas a dhéanamh:

• Cuid de na príomhtheoiricí foghlama a aithint i gcomhthéacs an ardoideachais;
• Láidreachtaí agus laigí na gcur chuigí éagsúla teagaisc is féidir a dhéanamh laistigh de chomhthéacsanna ar leith a aithint;
• Díospóireacht agus dul i ngleic le roinnt de na saincheisteanna comhaimseartha san ardoideachas a mbíonn tionchar acu ar chleachtas múinteoireachta;
• A léiriú go bhfuil siad sásta machnamh a dhéanamh ar a gcleachtas féin.

CEL261 Dearadh Cúrsa, Measúnú agus Meastóireacht (Seimeastar 2)

Is é seo an dara modúl ar an Teastas Iarchéime (Teagasc & Foghlaim Ardoideachais). Díríonn an seimeastar seo ar chúrsaí agus ar mhodúil a mhíniú, a dhearadh agus a mheas. I measc na saincheisteanna lárnacha beidh torthaí foghlama a bheith ag teacht le gníomhaíochtaí foghlama agus teagaisc, agus measúnú. 

Éileoidh an measúnú don mhodúl seo ar rannpháirtithe an próiseas ailínithe chuidithigh a úsáid chun aonad teagaisc a mheas agus a athdhearadh go criticiúil.  Is féidir an ghníomhaíocht mheasúnaithe seo a úsáid chun aonad nua teagaisc a dhearadh.

TORTHAÍ FOGHLAMA

Beidh mic léinn a n-éireoidh leo a bheith páirteach go hiomlán sa mhodúl seo in ann an méid seo a leanas a dhéanamh: 

• Machnamh criticiúil a dhéanamh ar a gcuid dearaí cúrsa agus cur chuige measúnaithe féin;
• Eolas ar chuir chuige éagsúla i ndearadh curaclaim a chur i bhfeidhm ar a gcomhthéacsanna féin;
• Tionchar fachtóirí seachtracha ar leith ar a gcomhthéacsanna teagaisc féin a aithint.

CEL262 Cleachtas Machnamhach agus Forbairt Ghairmiúil

Is é príomhsprioc an mhodúil seo ná Portfóilió Teagaisc a chur le chéile, a léiríonn féinmhachnamh criticiúil gach rannpháirtí ar a c(h)leachtas teagaisc, a f(h)ealsúnacht oideachais atá i mbun forbartha agus feasacht ar shaincheisteanna forbartha gairmiúla. Déanfaidh an modúl seo freisin athchuairt, iniúchadh agus comhtháthú ar smaointe ar fud an chúrsa.

Chun riachtanais an mhodúil a shásamh agus teastas a bhaint amach, ní mór do rannpháirtithe: (1) an Mheastóireacht Ghrúpáilte Mac Léinn a dhéanamh; (2) úsáid a bhaint as Comhpháirtíochtaí Foghlama agus Teagaisc le comhghleacaí chun athbhreithniú piaraí/breathnú ar theagasc a chéile; (3) samplaí ábhartha eile de chleachtas teagaisc agus foghlama a chomhordú. Déantar an modúl a mheas trí Phortfóilió Teagaisc cuimsitheach.

TORTHAÍ FOGHLAMA

• Liostaigh príomhfhorbairtí agus gnóthachtálacha i gcleachtas gairmiúil a bhaineann le teagasc agus foghlaim san ardoideachas;
• Tionchar dearfach an teagaisc a léiriú trí thagairt a dhéanamh d’aiseolas ó mhic léinn, ó phiaraí agus ó scrúdaitheoirí;
• Measúnú a dhéanamh ar ghnóthachtálacha agus ar riachtanais forbartha gairmiúla breise i bhfianaise na fealsúnachta teagaisc atá ag teacht chun cinn agus aiseolas ó mhic léinn/piaraí/scrúdaitheoirí.

Cén fáth a roghnófá an cúrsa seo?

Cé dó a fheileann an cúrsa seo?

Táillí an Chúrsa

Eolas maidir le Táillí

Ní íocann foireann teagaisc Ollscoil na Gaillimhe táillí ar an gclár seo.

Caithfidh iarrthóirí seachtracha táillí a íoc de ghnáth.  Chun breis eolais a fháil, déan teagmháil le celt@universityofgalway.ie

Iarratas a Dhéanamh

Online applications for Academic Year 24/25 now closed. Please contact celt@universityofgalway.ie 

Tuilleadh eolais

An tIonad Sárchaighdeáin Foghlama & Teagaisc  
Seomra AMB1012, An Chéad Urlár, Áras Dán na Mílaoise
Ollscoil na Gaillimhe
Teil. 091 49 2924
Ríomhphost: celt@universityofgalway.ie 

Iarratais agus Roghnúchán

Le go n-éireoidh leo, beidh ar rannpháirtithe a léiriú go ndeachaigh siad i ngleic leis na hábhair agus le gach plé a rinneadh sa rang mar aon leis na measúnuithe ag an deireadh. Ní mór do rannpháirtithe a bheith i mbun teagaisc ag leibhéil fochéime agus/nó iarchéime faoi láthair, i roinnt modhanna más féidir (e.g. ranganna móra agus ranganna beaga) agus caithfidh siad roinnt cleachtaí aiseolais a dhéanamh ar a gcleachtas teagaisc. 

10 Meitheamh 2024 an dáta deiridh d’iarratais a bheith faighte.

Online applications for Academic Year 24/25 now closed. Please contact celt@universityofgalway.ie 

Déanfar áit a thairiscint d’iarratasóirí rathúla faoi dheireadh mhí an Mheithimh 2024.

Eolas faoi na teagascóirí

Iain MacLaren

Michelle Tooher

Jan Smith 

Mairead Greene

Riachtanais agus Measúnú

Trí mhodúl atá ar an gclár seo

• CEL260 Blaiseadh den Teagasc agus den Fhoghlaim san Ardoideachas – Seimeastar 1 (10 ECTS)
• CEL261 Dearadh Cúrsa, Measúnú agus Meastóireacht – Seimeastar 2 (10 ECTS)
• CEL262 Cleachtas Machnamhach agus Forbairt Ghairmiúil – An Bhliain ar fad (10 ECTS)

Tá meascán de cheardlanna, seimineáir agus léachtaí rangbhunaithe i gceist leis an gclár chomh maith le machnamh criticiúil agus staidéar neamhspleách.  Úsáideann an clár measúnú leanúnach (féach Imlíne an Chúrsa le haghaidh tuilleadh sonraí).