An Próiseas maidir le Gearáin a dhéanamh

Cad é Próiseas Gearán na Mac Léinn?

Tá Ollscoil na Gaillimhe tiomanta a chinntiú go mbeidh eispéireas dearfach ag mic léinn. Déantar monatóireacht agus meastóireacht ar bhonn rialta ar chúrsaí acadúla, córais riaracháin agus seirbhísí tacaíochta na hOllscoile do mhic léinn d’fhonn a gcaighdeán a fheabhsú.

Tá go leor meicníochtaí foirmiúla agus neamhfhoirmiúla i bhfeidhm san Ollscoil a ligeann do mhic léinn ábhar gearáin a chur in iúl agus aon saincheisteanna a réiteach de réir mar a thagann siad chun cinn. Spreagtar mic léinn leis na meicníochtaí atá ar fáil dóibh a úsáid agus nuair is féidir aon ghearáin nó deacrachtaí a d’fhéadfadh a bheith acu a réiteach ar bhealach neamhfhoirmiúil. Tá tacaíocht maidir leis na próisis seo a úsáid ar fáil ó Chomhaltas na Mac Léinn agus ó Dhéan na Mac Léinn.

Aithníonn an Ollscoil, áfach, go bhféadfadh nach mbeadh sé indéanta i gcónaí réiteach a fháil trí na meicníochtaí seo nó go bhféadfadh nach mbeadh toradh sásúil ann. Is é an aidhm atá leis an Nós Imeachta do Mhic Léinn maidir le Gearáin a dhéanamh, meicníocht fhoirmiúil a sholáthar do mhic léinn chun a gcuid gearán a éisteacht agus a réiteach. Níl sé i gceist go mbeadh an Nós Imeachta ina nós araíonachta. Mar sin féin, tugann an Nós Imeachta maidir le Gearáin a dhéanamh an deis do mhic léinn aon ábhar imní atá acu a ardú, moltaí rialta maidir le feabhsúcháin ar phróisis na hOllscoile agus, nuair is cuí, is féidir leis sásamh a thabhairt do mhic léinn.

Leis an nós imeachta seo maidir le gearáin, tá sé beartaithe go ndéileálfar le hábhair go cóir, go trédhearcach agus go tráthúil, ar mhaithe le leas na mac léinn reatha agus na mac léinn amach anseo agus leas phobal na hOllscoile i gcoitinne.

Tuilleadh Eolais